Billboard 200 : 12 Savage album thar 'American Dream' a chungnung

21 Savage album thar, 'American Dream' chu Billboard 200 album chart-ah a rawn chungnung ber.

British-American hip-hop artist, kum 31 mi 21 Savage album thar hian tlangzarh karah US-ah equivalent album unit 133,000 a rawn nei a, a album-a hla 15-te chuan million on-demand stream mtd. 169.53 hu an nei bawk. Album sales 4,000 leh TEA unit 500 a nei bawk a ni.

'American Dreams' hi 21 Savage non-collaborative music project-in unit a neih ṭhat ber niin, kum 2018-a tihchhuah, a album "I Am > I Was" chu unit 2,000-in a rawn khum nghal bawk.

Billboard 200 Top 10-ah hian Kali Uchis 'Orquideas' chuan equivalent album unit 69,000 neiin pahnihna a rawn ni a, hun rei tak no. 1 dinhmun lo hauh thei, Morgan Wallen 'One Thing at a Time' chu no. 3-ah a tla thla. Drake 'For All the Dogs' pawh no. 2 aṭangin no. 4-a tla hniam bawk a, Taylor Swift pawhin "1989 (Taylor's Version' Top 5-ah a la lanpui thei hram. Chart hmasa lama no. 10, 'Folklore' erawh no. 8-ah a rawn chho ve thung.