X-a video aṭangin MrBeast-in USD 250,000 la lut

Khawvela YouTuber lar ber, MrBeast, a hming tak Jimmy Donaldson chuan X-a video a post aṭangin USD 2,50,000 chuang a la lut tih a sawi.

MrBeast hian a hmain X lamah video post a duh loh thu leh, he social media site-ah hian creator lamin advertising revenue aṭangin sum an lak luh tlem thu a sawi a ni. Mahse a hnuah a rilru thlakin, X kaltlanga sum luh dan enchhin a tum thu a sawi leh a, kar liam ta khan a video hlui pakhat a dah a ni. A video dah hian view mtd 155 chuang a nei. He video pakhat aṭanga a sum hmuh hi USD 250,000 chuang a tling tih amah ngeiin a rawn sawi zui leh bawk. MrBeast hi OTT platform, Prime Video-a reality competition show nei turin inbiakna neihpui mek a ni a, hei hi a YouTube video-a challenge a siam ang chia kalpui tum a ni. Kum 2021 khan a YouTube-ah Squid Game chu game show angin a lo siam tawh a, lawmman atan pawh USD 446,000 zet a sem chhuak a ni.