Fan-te pualin Ozzy Osbourne-a'n farewell show nei dawn

Black Sabbath lead vocalist, kum 75 mi ni tawh Ozzy Osbourne chu a fan-te thlahna atan farewell show vawi hnih neiin stage lamah a inlan leh dawn.

Sharon Osbourne chuan a pasal, Ozzy hian tour a nei tawh dawn lo a, mahse, die-hard fan-te pualin farewell show hi a nei dawn tih a puang. A pasal chu a kum lam tam tawh mah se, a aw pawh a la ṭha a, singing lesson pawh a la nei reng tih a sawi bawk. Ozzy hian Parkinson disease a neih bakah, a taksa lamah harsatna dangte a neih bawk avangin hun eng emaw chen live-in a perform thei tawh lo. Mahse a fan-te thlahna atan Aston, Birmingham-a Villa Park-ah show hi neih leh a tum a ni.