Parineeti Chopra-i'n rimawi lam luhchilh dawn

Bollywood star, Parineeti Chopra chuan lemchan lama a hming a chher hnuah, rimawi lam luhchilh a tum.

He actress talent nei ṭha tak hi a film ṭhenkhatah pawh amah ngei zaiin, zai lamah pawh talent a neih ṭhatzia a lo lantir fo tawh. Hei vang hian nasa zawka music industry lam luhchilh a tum a, TM Talent Management hnuaiah a kawng thar hi a zawh dawn a ni. A instagram lamah pawh rimawi chu a nun tihlimtu a nih thu leh, a nuna bung thar a kai tur chu a nghahhlelh thu sawiin, amah ang bawkin a fan-te pawh an phur a beisei thu a sawi. Lemchan lam pawh a chawlhsan chuang lo a, film thar, ‘Chamkila’-ah Diljit Dosanjh nen an chang dun dawn a ni. Parineeti hi nikum khan politician, AAP MP Raghu Chadha nen innei a ni.