Animated movie 'Leo' chhunzawmna siam dawn

Adam Sandler-a animated musical comedy 'Leo' chhunzawmna siam a ni dawn.

Netflix co-CEO, Ted Sarandos chuan 2023 flick chhunzawmna hi siam a nih tur thu sawiin, hma an la ṭan tih a tarlang. 'Leo' hi Adam Sandler production company, Happy Madison Productions-in animated movie a siam pahnihna niin, kum 2002 khan 'Eight Crazy Nights' an lo tichhuak tawh bawk. 'Leo'-ah hian Sandler bakah aw thawhtu zingah hian Bill Burr, Cecily Strong, Jason Alexander leh Rob Schneider-te an tel. Nikuma tihchhuah a nih khan, tlangzarh kara Netflix animated feature zingah audience nei ṭha ber niin, view mtd. 34.6 a nei a, a kar hnihnaah pawh view mtd. 23.6 a nei leh bawk. Rotten Tomatoes lamah pawh 91% audience score a nei pha a ni.