'Fighter'-in ni thum chhungin Rs. vbc. 90 chuang la lut

Hrithik Roshan leh Deepika Padukone-te channa, 'Fighter' chu January 25 khan release a ni a, ni thum chhungin Rs. vbc. 96 la lutin, India ramah Rs. vbc. 74.4 leh ram pawn lamah Rs vbc 21.6 a la lut a ni.

'Fighter' hian tlangzarh niah Rs. vbc. 22.5 a la lut a, a tuk Republic Day khan Rs. vbc. 39 zet a lak luh belh leh bawk. He film hi Pakistan-a Khyber Pakhtunkhwa province-a Balakot khaw bula Indian Armed Force-te'n airstrike an neih chungchang a ni. Hrithik Roshan hi Squadron Leader Shamsher Pathania lemah changin, Deepika hi Squadron Leader Minal Rathorek, aka Minni lemah a chang bawk, Anil Kapoor pawh Group Captain Rakesh Jai Singh angin a inlan.