JLo-i'n Mattel Toy 'Bob the Builder' film siam dawn

Box office lama 'Barbie' movie a hlawhtlin chhoh tak hnuah,singer leh actress Jennifer Lopez chuan mattel toy, 'Bob the Builder' chu big screen lama en tura siam a tum.

Toymaker, Mattel nena British animated construction worker film siam turah hian JLo hi producer zingah a tel dawn a ni. He film-ah hian Bob, 'Can we fix it?' tih hmang lartu hi hna thawk turin Puerto Rico lamah a zin dawn a, Bob aw atan hian "In the Heights" star Anthony Ramos chuan aw a thawh dawn a ni. Film director tur hi sawi chian a la ni lo a, mahse, script writer atan Colombian filmmaker Felipe Vargas tihfel a ni tawh. 'Bob the Builder' hi Keith Chapman siam niin, kum 1999 aṭanga a siam ṭan a ni. Show theme song, 'Can We Fix It?' hi chart lamah a lo langsar tawh a, 2000 khan UK Christmas no. 1 a ni.