Adele-i'n tour neih a tum tih a fan-te hrilh

Adele chuan Las Vegas-a show a neihnaah, album thar a tihchhuah hunah tour neih ngei a tum tih a fan-te hnenah a sawi.

Colosseum at Caesars Palace-a 'Weekends With Adele' concert a neihnaah, kum 35 mi Adele hian a fan-te hnenah tour a la neih tur thu hi a hrilh a, mahse album thar a tihchhuah hun tur tak erawh a la sawilang lo. Hetih lai hian residency show nei in a la buai hle. Kum 2022 November thla aṭang khan Las Vegas residency show hi a nei ṭan a, nikum November thlaa tawp tura ruahman a nih laiin, kumin June thla thleng atan a pawhsei leh a ni. Hei vang hian a album thar tur pawh a la buaipui mai hman rih lo hmel.