'Despicable Me 4' trailer hmasa ber a chhuak

"Despicable Me 4" trailer hmasa ber a chhuak a, Gru leh the minions te an rawn kir leh e. Trailer-ah hian character thar an rawn lang bawk a, an aw thawhtu zingah hian Will Ferrell leh Sofia Vegara-te pawh an tel.

Gru chhungkua laka phuba lak tumtu, supervillain thar, Maxime le Mal (Ferrell) leh a bialnu Valentina (Vergara) te an rawn lan avangin dinhmun hlauhthawnawm takah an ding dawn. An dinhmun hlauhawm zia hi Gru chhungkua hnenah hian Sla Ramsbottom (Steve Coogan) chuan a rawn hrilh a ni a, hmun him lam an pan a ngaih thute a sawi. Gru Jr pawh a rawn lang a, a pa a tibuai thei hle bawk. Universal Pictures tihchhuah tur, 'Despicable Me 4' hi a film hmasa ber direct a, Minions siam chhuaktu Chris Renaud bawkin a direct leh dawn. Character thar rawn langte aw thawhtu tur zingah hian Joey King, Stephen Colbert leh Chloe Fineman-te an tel a, Minions ho aw hi Pierre Coffin bawkin a thawh leh dawn. He movie hi US theater-ah July 3 hian tihchhuah a ni ang.