Filmfare Awards 2024: Ranbir Kapoor leh Alia Bhatt-te nupa che ṭha

69th Filmfare Awards sem a ni a, celeb couple Alia Bhatt leh Ranbir Kapoor-te an che ṭha a, an nupa hian Best Actress leh Best Actor award an la.

Gandhinagar, Gujarat-ah Filmfare Awards 2024 hi ni hnih, January 27 leh 28-ah a neih a ni. A ni khatnaah Curtain Raiser neih niin, January 28 zanah main event, Awards ceremony neih a ni. He event hi Karan Johar, Ayushmann Khuranna leh Maniesh Paul-ten an host.

Ranbir Kapoor hian 'Animal' film aṭangin Best Actor Award a dawng a, a nupui Alia Bhatt hian 'Rocky Aur Rani Kii Prem Kahaani' aṭangin Best Actress Award a dawng. 'Animal' hian award paruk zet a la a, tun hnaia thawm nei lian tak '12th Fail' chuan award panga dawng, heng zingah hian Best Film leh Best Director award te a tel.