Nicki Minaj-in Megan Thee Stallion diss track 5 a nei

Nicki Minaj chuan Megan Thee Stallion diss track, 'Big Foot' a tihchhuah hnuah, 'Girls in the Hood' raptress diss track dang pali a la nei tih a sawi.

Kum41 mi, hip-hop artist hian X-ah Megan diss track a siam chungchang hi sawiin, 'A dang pali pawh ka la nei' a ti. Mahse he thil avang hian 'Barbie World' spitter hian mi tam tak sawisel a hlawh zui thung. Nicki leh Megan inkar boruak ṭha lo hi Megan-i'n single hnuhnung ber, 'Hiss'-ah Nicki pasal, Kenneth Petty chungchang a rawn kah aṭanga inṭan a ni. Kenneth hi kum 1995 khan khatih laia tleirawl kum 16 mi, Jennifer Hough laka mawi lo taka a chet avangin pawngsual tuma puhin thiam loh chantir a lo ni tawh. Pathiannia khan Nicki hian 'Hiss' chhan letna, 'Big Foot' a rawn tichhuak a, a hnuah Megan diss track dang pali pawh a la nei tih a rawn zui leh ta a ni.