Didika Chhakchhuak 'I lo bei reng si' pakhatna a ni leh

Ṭhazual Lengzem chart-ah Didika Chhakchhuak 'I lo bei reng si' chu pakhatna a ni leh a, Fela Colney ft. Temami 'Beisei bo' chu pahnihna niin Eddie Pachuau 'Lairil hmangaihna' chu pathumna a ni bawk.

Didika Chhakchhuak hla 'I lo bei reng si' hi June 22 khan Ṭhazual Lengzem chart-ah hian No.1 a ni tawh a, hemi hnu hian chart hi chhuahsan hleithei loin rei tak a cham zui a, top 5-ah a cham zui rei hle. Chart hmasaah khan palina a ni a, tun chart-ah erawh a lo luahlum tawh ṭhin dinhmun ṭha berah a rawn inhlangkai leh ta a ni.

Didika hian hla lungkuai tak 'I lo bei reng si' hi January thla laihawla a tihchhuah tawh kha a ni a, hla mawi tak niin music video pawh a hmuhnawm hle. Rebecka Vaiphei phuah niin amah Didika hian a thluk hi a siam a, hla ngaihthlak nuam tak mai Mizo rilrem zawng tak a ni a, pakhatnaa a rawn inhlangkai nawn leh pawh hi a mak lo hle.

Ṭhazual Lengzem chart uluk taka lo thlir ṭhin chuan Fela Colney ft. Temami 'Beisei bo' hi chart-ah an mikhual tawh lohzia an hre ngei ang. Tunah chuan pahnihnaah an rawn inhlangkai tawh a, chart hmasaah khan pangana niin tunah erawh an dinhmun a ṭha tawh hle. Dinhmun sang zawka ding tur pawhin hmabak an nei ṭha hle niin a lang.

Chart hmasaa pakhatna Eddie Pachuau 'Lairil hmangaihna' chu pathumnaah a awm ve thung a ni.

Ṭhazual Lengzem chart Top 10-ah hian zaithiam lar tak tak pawh an lang nual, chung zingah chuan Jaui, Manuna leh HT Lalthanzami-te pawh an tel a, lengzem chart hi a hot chho viau dawn niin a lang.

1    Didika Chhakchhuak     - I lo bei reng si

2    Fela Colney ft. Temami     - Beisei bo

3    Eddie Pachuau     - Lairil hmangaihna

4    Rohlupuii     - Her sual lo

5    Empy     - Ṭhapui

6    Jaui     - I tan chauh

7    Hoxy     - A beidawng lo

8    TC Tetea     - A rem lo maw

9    Manuna     - Vawng reng nang e

10    HT Lalthanzami     - Rauthla zun