Billboard 200 : No. 1-ah 21 Savage 'American Dream' la ding nghet

Billboard 200-ah 21 Savage 'American Dream' chu a kar hnihna atan no. 1-ah a la awm chhunzawm a, January 12-a tlangzarh he album hian kar liam ta khan equivalent album unit 78,000 a neih belh leh.

British-American hip-hop artist, 21 Savage hian chart chung ber dinhmun la hauh chhunzawm mah se, equivalent album unit a neih zat hi a kar hmasa lam aiin 40% zetin a tlahniam tawh.

No. 2-ah Morgan Wallen-a record breaking album, 'One Thing at a Time' a rawn chho leh a, equivalent album unit 63,000 a la nei pha. Drake 'For All The Dogs' pawh no. 4 aṭangin no. 3-ah a rawn chho bawk a, no. 4-ah Green Day studio album hnuhnung ber, 'Saviors' chu a rawn lang. Noah Khan 'Stick Season' chuan equivalent album unit 48,000 neiin Top 5 a rawn luah ve bawk.

Billboard 200 Top 10-ah hian Taylor Swift album pahnih, '1989 (Taylor's Version)' leh 'Lover' an la lang a, hei bakah hun rei tak chart lo luah lum tawhtu, SZA 'SOS', Nicki Minaj 'Pink Friday 2' leh Zach Bryan self-titled album te an la awm bawk a ni.