Universal Music-in TikTok aṭangin an hla lak chhuah tum

Universal Music chuan payment chungchanga an inbiakna a hlawhchham avangin, TikTok aṭangin an hla nuai tel lak chhuah vek a tum.

Music company-te hian steraming leh social media platform hrang hranga an hlate play a nih hian royalty payment an lo la ve ṭhin. Mahse TikTok hian social media site dang rate angin a pe ve duh lo niin a puh. Chinese company ByteDance hnuaia mi, TikTok hian user tluklehdingawn chuang nei mah se, TikTok kaltlanga an sum hmuh hi Universal sum hmuh pumpui aṭanga 1% vel chauh tling pha niin a sawi. Mahse an puhna hi TikTok hian thu dik lo niin a sawi ve thung. TikTok leh Universal Music-in contract an neih sa chu nimin khan a tawp a, hemi hnu hian TikTok hnena an content hman phalna a pek chu a titawp vek tawh dawn tih company chuan a tarlang. Hei vang hian TikTok-a video siamna atan hla an hman ṭhin maktaduai tel chu user-te'n an hmang chhunzawm thei tawh dawn lo a ni.