2020 MTV Video Music Awards Lady Gaga leh Ariana Grande an che ṭha

2020 MTV Video Music Awards semna chu Pathianni khan neih a ni a, Lady Gaga leh Ariana Grande-te an che ṭha hle a, Lady Gaga phei chuan discipline hrang hranga che ṭha chawimawina an pek hmasak ber Tricon award a dawng hial. 

K-Pop group Bangtan Boys chuan award pali an hum haw bawk a, Lady Gaga bik hian award panga a hum haw a ni. Heng award panga zinga pathum hi chu Ariana Grande nena an hit 'Rain on Me' hmanga a dawn a ni thung a, Ariana Grande pawh hian award pali lain Lady Gaga nena an thawhdunna hmanga pathum a lak bakah hian Justin Bieber nena an hla 'Stick With U' chu a lakpui bawk.

Award ngaihhlut Video of the Year chu The Weeknd-in 'Blinding Lights' hmangin a la a, Lady Gaga hi Artist of The Year atan thlan a ni zui bawk a, kumin MTV VMA chu Gaga ropui zan a ni ber mai.

Blackpink chuan an hla 'How You Like That' kha Song of Summer award an lakpui a, Taylor Swift 'The Man' chu Best Direction-a thlan a ni a,  Coldplay 'Orphans' chu Best Rock-ah thlan a ni bawk.

Kumin MTV VMA hi a tira ruahmanna an siam dan tak chuan kum 2013 hnua lama a hmasa berna atan Barclays Center, New York-a neih an tum a ni. Mahse Covid-19 hripui a len tak avangin hripui len hnua indoor event lian tham buatsaih hmasak ber  ni tura ruahmanna eng emaw chen an kalpui hman a, mipui awm lo emaw tlem te emaw pungkhawma buatsaih an tum. Mahse MTV chuan hei hi ṭhulh lehin Barclays Center-ah hi chuan nakkuma neih an tum ta zawk a ni.

An tihdan phung an thlak a, New York khawpuia hmun hrang hrangah ourdoor ceremony an buatsaih ta zawk a, hei hi state leh tualchhung health official-te an rawn hnua an thutlukna siam niin an tarlang. 

    MTV VMA-ah hian zaithiam lar tak tak an perform a, chung zingah chuan BTS pawh telin anni hian an hla thar  'Dynamite' hmangin award ceremony thlirtute an awi a ni.

The Weeknd pawhin 'Blin­ding Lights' a perform a, Miley Cyrus leh Lady Gaga-te pawh an perform a ni. Gaga hian a hla hrang hrang a 'medley' a, Rain on Me-a sak laiin Ariana Grande a rawn inlan bawk. Black Eyed Peas leh Maluma-te pawh an inlan bawk a ni.

Video of the Year    :     The Weeknd, "Blinding Lights"

Artist of the Year    :     Lady GaGa

Song of the Year    :     Lady GaGa and Ariana Grande, "Rain on Me"

Best Collaboration    :     Lady GaGa and Ariana Grande, "Rain on Me"

PUSH Best New Artis    :    Doja Cat

Best Pop    :     BTS (Bangtan Boys), "ON"

Best Hip-Hop    :     Megan Thee Stallion, "Savage"

Best Rock    :     Coldplay, "Orphans"

Best Alternative    :     Machine Gun Kelly, "Bloody Valentine"

Best Latin    :     Maluma, "Que Pena" (ft. J Balvin)

Best R&B    :     The Weeknd", "Blinding Lights"

Best K-Pop    :     BTS (Bangtan Boys), "ON"

Best Group    :     BTS (Bangtan Boys)

Video for Good    :     H.E.R., "I Can't Breathe"

Best Music Video From Home    :     Ariana Grande and Justin Bieber, "Stuck With U"

Best Quarantine Performance    :     CNCO: "Unplugged at Home"

Best Direction    :     Taylor Swift, "The Man" (directed by Taylor Swift)

Best Cinematography    :     Lady GaGa and Ariana Grande, "Rain on Me"

Best Art Direction    :     Miley Cyrus, "Mother's Daughter"

Best Visual Effects    :     Dua Lipa, "Physical"

Best Choreography    :     BTS (Bangtan Boys), "ON"

Song of Summer    :     Blackpink, "How You Like That"

Best Editing    :     Miley Cyrus, "Mother's Daughter"

Tricon Award    :     Lady GaGa