Runmawi App-ah 'Gabriel' a en theih dawn ta

Kristian movie, 'Gabriel' chu zanin dar 8-ah Runmawi Apps-a en theiha chhawp chhuah a ni dawn ta.

Film director hi 'Black Rose' movie hlawhtling taka lo siam tawh, Danny Vanchhong a ni a, a changtute pawh lemchan khawvela kan hmelhriat lar tawh, Mizorama kan neih ṭhat ber berte - Ruthy Chenkual, Bena, Gosa, Vee Elly bakah naupang duhawm tak Johthama te an ni. Nikum December 12 khan Vanapa Hall-ah LV Lalthantluanga chuan tlangzarhin premier nghal a ni a, show anga hun eng emaw chen kalpuia hmun hrang hranga chhuah a nih hnuah, zanin aṭangin Runmawi App lamah en theih a ni dawn ta a ni.

He movie hi chhungkaw kima en him, cancer natnain mi pahnih hringnun a tihbuai dan leh, harsatna an hmachhawn dan inang lo tak hmuh tur a awm. Film lungkuai tak niin, en a inchhirawm loh viau ang.