Darbu-ah K. Hminga a chungnung ber

Darbu Music App-in January thla chhunga a hralh chhuah hnem chu K.Hminga album,'Ka Ngaih, Zawngho' a la ni chhunzawm zel a, hemi thla chhunga an app-a hla play hnem zual 10 zingah K.Hminga hla pakua an la lang bawk.

K.Hminga hian a studio album hmasa ber, 'Ka Ngaih, Zawngho' hi nikum December 8 khan release-in, Darbu App-ah chiah zawrh chhuah a ni. Hemi thla hian hralh chhuah hnem ber ni nghalin, hla ngaihthlak hlawh zual 10 chu he album-a hlate hian an hauh vek a ni.

The Leprosy Mission Choir Music Tracks lei an la intihhmuh zel a, January-a hralh chhuah tam pahnihna leh pathumna an la ni a, DomY single thar, 'Zawhna Hnuhnung' chu palina niin, he hlaah hian DomY hian tunlai rapper ṭha ber pawl, CT Tluangtea a thawhpui. Siaha lam artist ṭha, Olympus Music 'Hmiala' chu hralh chhuah tam pangana a la ni bawk.

Darpu App kaltlanga January thla chhunga hla ngaihthlak tam zual, Top 10 zingah K.Hminga album-a hlate chuan pakhatna aṭanga pakuana an hauh a, 10-naah Domy (ft. CT Tluangtea) - Zawhna Hnuhnung a rawn lang thung.