September-ah Lana Del Rey album thar 'Lasso'

Alternative pop star, Lana Del Rey chuan Nilaini zana Los Angeles-a Billboard pre-Grammy event-ah September thla hian album thar, 'Lasso' a tichhuak dawn tih a puang. Hei hi a studio album 10-na tur a ni a, kum thum leh a chanve chhunga album pali a tihchhuahna tur a ni.

Del Rey hian nikum khan 'Did You Know That There’s a Tunnel Under Ocean Blvd' a tichhuak a, Billboard 200 chart-ah no. 3 a kai pha a ni. Grammy Award-ah he album hmang hian nomination eng maw zat hmuin, heng zingah hian Album of the Year pawh a tel. Kum 12 dawn liam taa a tihchhuah tawh, 'Born to Die' album chu US Billboard 200 chart-ah kum 10 chhung zet a awm thei a, hmeichhe artist zingah hetiang dinhmun thleng thei hmasa ber a ni bawk.