March 29-ah 'The Crew' release dawn

Bollywood power-house trio - Tabu, Kareena Kapoor Khan leh Kriti Sanon-te channa, comedy film 'The Crew' chu March 29 hian theater-ah release a ni dawn.

Tabu, Kareena leh Kriti-te hian film an chanho vawi khatna a ni a, nikum February thla aṭang khan chang ṭanin, mipui lamin an nghakhlel tawh hle. Director hi Rajesh Krishnan niin, Ektaa Kapoor leh Rhea Kapoor-te produce a ni. He film hi airline industry-a hmeichhe pathum, rim taka hnathawkte'n dinhmun khirh tak an tawn chhoh dan, dawt thuin a tihbuai dan chungchang a ni. Diljit Dosanjh leh Kapil Sharma-te an inlan bawk. Nimin khan a promo video hi tihchhuah a ni.