Brad Pitt leh Quentin Tarantino thawk dun leh dawn

Brad Pitt chu filmmaker, Quentin Tarantino film thar, 'The Movie Critic'-ah a chang dawn.

Kum 60 mi,'World War Z' star hian eng role ber nge a chan dawn tih sawi chian la ni lo mah se, a title character erawh a chan ngei rin a ni. He film thar tur Tarantino-a film siam hnuhnun ber tur nia sawi a ni a, a hmain feature film 10 a siam hunah a chawl dawn tih a lo sawi tawh a, hei vang hian a project thar tur pawh hi a uluk hle. Kum 2025-ah tihchhuah hman a tum. Pitt leh Tarantino-te hi True Romance (1993), Inglourious Basterds (2009) leh Once Upon a Time in Hollywood (2019)-ah an lo thawk dun tawh a, a hnuhnung ber film hmang hian Pitt chuan Academy Award for Best Supporting Actor pawh a lo dawng tawh a, he film hian khawvel huapin USD mtd. 377 a la lut pha bawk. Brad Pitt hian director Joseph Kosinski-a film, Apple-produced Formula One racing movie a chang mek a ni.