Adam Sandler hnenah People's Icon Award

Peole's Choice Awards neih turah, Adam Sandler chu chawimawina ngaihhlut, Icon Award hlan a ni dawn.

NBC Universal Enter-tainment Executive Vice President for Live Events and Specials, Jen Neal chuan, "Adam Sandler hian kum 30 chuang liam taa Saturday Night Live-a bul a rawn ṭan aṭang khan, kum tam tak chhung industry-ah awm nghetin min tihlim ṭhin a ni," a ti. 'Billy Maddison aṭangin Mr Deeds thlengin, a character hrang hrangte mipuite hriatreng turte a hnutchhiah a, kumin People's Icon Award kan hlan tur hi kan phur hle a ni," tiin a tarlang. Adam hian a hmain People's Choice Award hi pakua a lo dawng tawh a, hei bakah MTV Movie Awards paruk leh Kids Choice Award 12 a dawng tawh bawk. Nikum khan Mark Twain Prize for American Humour hlan a ni bawk.