Mark Knopfler guitar collection USD mtd. 11 chuangin hralh

British rock band, Dire Strait frontman, Mark Knopfler-a guitar leh amplifier-te chu lilamnaah £ mtd 8.8 (USD mtd. 11.2) chuangin an hralh.

Knopfler-a guitar leh amplifier 120 chuang hi London auction house, Christie's chuan a hralh a, hengte hi Dire Strait biggest hit an record leh perform-naa an lo hman tawhte an ni. Knopfler hian lilamnaa sum hmuh aṭanga 25% hi charity pathum - British Red Cross, Tusk leh Brave Hearts of the North East hnenah a hlan a ni. Guitar collection zinga 1959 vintage Gibson Les Paul Standard chu £693,000-a hralh niin, hetiang model hralh to ber record a siam. 'Walk of Life' hla record-na atana hman, red Schecter Telecaster-style guitar pawhin record siamin, £415,800-a hralh a ni bawk.