Billboard Gospel Airplay Chart-ah Renee Spearman & Kim Burrell

Billboard Gospel Airplay chart (dated Feb. 3)-ah a vawi khatna atan Renee Spearman leh Kim Burrell-te chuan 'Tap Into It (The Source)' hmangin hma an hruai.

Track hi Spearman siam niin, artist pahnihte hian Gospel Airplay leader an nih ṭum khatna ve ve a ni. Spearman hian a album thar tur a buaipui mek a, kumin kum tawp lamah tihchhuah hman tum a ni a, he album-ah hian 'Tap Into It' pawh hi a tel dawn a ni.

No. 1 dinhmun an hauh thei chu lawmawm a tih thu sawiin, Spearman chuan Kim Burrell chu tunlai artist-a a ṭha ber zinga mi niin, a zai anga zai thei an awm lo, a ti. Thawhpui nuam a tih thu leh, music industry-a mi langsar tak a ni tawh chunga thawhpui tura a sawmna a lo pawm mai chu a lawm thu a sawi bawk.

'Tap Into It' hi Gospel Airplay chart-ah Spearman-i'n a hla a lanpui parukna niin, hemi hma hian 'I Got God' chu March, 2022 khan no. 6 a lo ni tawh a, Hezekiah Walker leh Dr. Holly Carter a thawhpuina 'I Love Him' chu February, 2020-ah no. 6 niin, 2012 khan “Whoa to Wow!” (featuring D.J. Rogers) chu no. 4-ah a lanpui tawh bawk a ni. Heng bakah hian “Sweeter,” leh “Thank You Jesus (That’s What He’s Done) chu chart Top 10-ah an lo lang tawh bawk a ni.