Mariah Carey leh Lenny Kravitz chawimawi

Mariah Carey leh Lenny Kravitz te chu Los Angeles-a Academy Black Music Collective event-ah Global Impact Award hlan an ni.

Stevie Wonder chuan Carey hi award hlanin, award a hlan hma hian “Knocks Me Off My Feet” leh 'All I Do' snippet-in a awi phawt. Wonder bakah artist dang ṭhenkhat pawhin Carey chawimawina atan a hlate an sa a, Torri Kelly chuan 'Vision of Love', Yolanda Adams-in 'Make It Happen' leh Busta Rhymes chuan Carey nena an thawh dunna, 'I Know What You Want'-a a rap portion an rawn perform bawk.

Kravitz hnenah H.E.R chuan award hi a hlan ve thung a, kum ruk mi lek anih aṭangin Lenny Kravitz ang nih a chak ṭhin thu a sawi. Kravitz pual hian funk musician George Cliton, rapper Quavo, Earth, Wind & Fire bassist Verdine White leh Red Hot Chilli Peppers drummer Chad Smith-te chuan 'Fly Away' an perform zui ve leh bawk a ni.