TWICE-in Lauv thawhpui dawn

South Korean girl group, TWICE chuan an single thar, 'I Got You' special version an tichhuak dawn a, hetah hian American singer, Lauv an thawhpui dawn tih an puang.

Lauv pawhin TWICE-in thawhpui tura an sawm chu a phur hle tih social media lamah a tarlang ve bawk. 'I Got You' TWICE mini album 13-na, 'With You-th' ami tur niin, a single hi February 2 khan an tichhuak a ni. Special version an siam thar leh hi KST-a vawiin chawhnu dar 2 hian download theih tura chhawpchhuah a ni ang. TWICE hi JYP Entertainment hnuaia kum 2015-a din niin, member pakua an awm a, 2015 hian Mnet Sian Music Awards-ah Best New Female Artist award an dawng nghal a ni.