Carl Weathers lanna Super Bowl Ad siam ṭha dawn

'Rocky' star Carl Weathers chu February 1, Ningani khan kum 76 mi niin a thi a, a thih hnuah a lanna, Super Bowl commercial chu siam ṭhat a ni dawn tih online sports betting firm, FanDuel chuan a sawi.

FanDuel chuan lusun mek, Carl Weathers chhungte zahna lantirna atan commerical hi siam ṭhat an tum tih an tarlang. Weathers hi Rocky film hmasa paliah Apollo Creed angin a chang a, hei bakah hian a channa langsar zingah 'Predator' leh 'Happy Gilmore' te an tel. Hollywood industry-ah kum 50 zet a tel chhungin, athlete-turned-actor hi film leh TV show 70 chuangah a inlan a ni. Kum 2021 khan The Mandalorian film-a a role chan avangin Emmy Awards-ah nominate a ni a, Star Wars series episode pahnih leh, Law & Order leh Chicago Med episode-te a direct bawk.