Central YMA Zaipawl 2024-2025 lawmluh inkhawm nei

Kum 2024-2025 chhunga Central YMA Zaipawl member tur mi 21-te lawmluh leh infuih tharna inkhawm chu February 3, 2024 (Inrinni) khan Central YMA committee room-ah neih a ni.

Central YMA hnuaia Sound & Music Sub Committe buatsaihin lawmluh inkhawm hi neih a ni a, Zosanglura Sound & Music Sub. Comtt. chairman-in a kaihruai a, OB i/c MS Ralte, Finance Secretary, CYMA chuan lawmluhna hun hmangin member-te fuihna thu a sawi.

Kum 1992-1994 chhung khan Central YMA Zaipawl hi din a lo ni tawh a, kum 2018 aṭangin din thar leh niin, tun ṭuma lawmluhte hi Zaipawl Batch 4-na an ni. Central YMA Zaipawl hi Ram leh Hnam tana YMA hruaitute rawngbawlna kawng hrang hrangah ṭawiawma an feh chhuah ṭhin bakah, sorkar leh pawl dangte pawhin zaia rawngbawl turin an sawm ṭhin bawk a ni.