12th Fail ni 100-na lawm

Bollywood film boruak nei lian, '12th Fail' chu Pathianni khan tlangzarh a nih aṭanga a ni 100-na a ni a, director Vidhu Vinod Chopra leh he film-a changtute chuan Mumbai-ah a lawmna an buatsaih. He hunah hian IPS officer Manoj Kumar Sharma leh a nupui, IRS officer Shardha Joshi-te'n an telpui bawk.

Director Chopra chuan a film chu mi tam takin theatre lama tichhuak lo a, OTT lama tlangzarh zawk tura an hrilh ṭhin thute a sawi,"Ka nupui ngei pawhin tumahin theatre lamah an en duh a rin loh thute a sawi a ni," a ti. Hetiang karah trade agency-te chuan 12th Fail chuan tlangzarh niah Rs. nuai 2 vel leh, a pumpuiah Rs. nuai 30 vel bak a lakluh an rin loh thute an sawi a, hei hian a tihhlauhthawn hle thu a sawi bawk. Mahse an beisei bakin a hit a, kumina Bollywood film boruak nei lian ber ni chhoin, a sum lak luh hi Rs vbc. 60 chuang a ni tawh.