Seoul Child Hospital tan Soobin-a'n sum ṭhahnem tak a pe

TXT member, Soobin chuan Seoul Child Hospital tan an ram pawisa, won maktaduai 100 (USD 74,750) a pe tih hospital thuchhuah chuan a tarlang.

Soobin hian January 31 khan ṭanpuina hi a pe a, a sum pek hi programme hrang hrangah hman a ni ang. Hospital-in a tarlan danin, won mtd. 20 chu taksa lama rualbanlohna nasa tak nei naupangte enkawlna senso atan hman a ni dawn a, a bak, won mtd. 80 chu hospital-a inenkawlnate tihchangtlunna atan hman a ni bawk ang. Director Nam Min chuan, "Hetianga phal taka sum thawhtute hi kan theihnghilh ngai lo ang,' tiin a sawi.