Will.I.Am in Britney Spears comeback a beisei

Black Eyed Peas musician, Will.i.am chuan Britney Spears chu music industry lamah a rawn comeback leh ngei a beisei thu a sawi.

Kum 42 mi, pop superstar, Spears hian kum 2016-a 'Glory' album a tihchhuah hnuah album thar a la siam leh lo a, perform a tum tawh loh thu a sawi bawk. Kum 2018-a 'Piece of Me' tour a neih hnuah stage lamah a inlan tawh lo a ni. Heti chung hian Will chuan The Sunday People 'Invite Only' podcast-ah Spears hi rimawi lamah a rawn let ngei a rin thu a sawi. "Tuna a dinhmunah chuan helam hi a hawi rih lo a ni maithei, mahse, music nen inzawmna ril leh nghet tak an nei a ni," tiin a chawlh hlen mai a rin loh thu a sawi. Rap star hi kum 2013-a 'Scream and Shout' an record khan Spears nen hian an thawk dun tawh a ni.