Taylor Swift-i'n a album thara tracklist a tarlang

Taylor Swift chuan Pathianni zana 2024 Grammay Awards a dawn ṭum khan a album thar, 'The Tortured Poets Department' a tihchhuah tur thu a puang a, a tukah he album-a tracklist-te a rawn tarlang zui. Album hi April 19-ah tihchhuah a tum.

Kum 34 mi, superstar hian a Instagram-ah a album cover, black-and-white chu rawn dahin, hetah hian thlalak bakah a tracklist pawh a rawn dah tel. Album tharah hian Post Malone nena an thawh dunna tur 'Fortnight' bakah Florence leh The Machine a thawhpuina tur, 'Florida' tihte pawh a tel a ni. Hla 16 a awm dawn a; vinyl, CD leh cassette edition awmin, hengah hian bonus song 'The Manuscript' a awm tel ang.