LBS Kia-in Sonet car tlangzarh

Kia Motors-in India rama a hlawhtlinpui, Sonet car thar chu nimin khan LBS Kia chuan an showroom, Falkland vengah tlangzarhin pakua an hralh chhuak nghal.

LBS Kia hian September 28, 2022 aṭangin Mizoramah Kia car a hralh chhuak ṭan a ni. Sonet hi Kia Motors chuan kum 2020 khan India-ah a tichhuak a, nuai 3.68 a hralh chhuak. Kum li hnuah a thar tichhuak lehin, Mizoram dealer LBS Kia hian a hlui an hralh tawh leh, nimina tlangzarh ruala an hralhte nen a vaiin Sonet hi 204 an hralh chhuak tawh. A thar hi LBS Kia aṭanga lei duh tan Rs. 25,000 pein hauh lawk theih a ni.

Sonet thar hi sun-roof neia duan niin petrol hmang chi hnih 1.2 L leh 1 L (automatic) bakah diesel hmang 1.5 L a awm a, duhthlan tur rawng chi hrang 11 awmin, a man hi ex-showroom prize Rs. 8,20,000 aṭanga inṭanin, Rs 15,90,000 man thleng a awm. Disc brake vek vuah a ni tawh a, a chhung tinuam tur leh vawng dai thei tur thil bilh telin boss sound system ṭhaa thuam a ni tel. Kia connect hmangin smartphone aṭanga thunun leh endik theih a ni a, tunlai thiamna ADAS nei telin chetsual laka veng turin kawng hrang hrangah a khalhtu a pui a, him thei ang ber tura duan a ni.