Vividhta ka Amrit Mahotsav-ah Boomarang

Rashtrapati Bhavan chuan kumin hian a ṭum khatna atan hmarchhak puala festival, Vividhta Ka Amrit Mahotsav – the North-Eastern Festival chu February 8 - 11 hian a buatsaih dawn a, Mizoram aiawhin Boomarang an tel dawn. Nikuma Azadi ka Amrit Mahotsav lawmna puala India Gate-a hun hmanah khan Sound from the Hills angin an lo inlan tawh bawk.

Ni li awh festival-ah hian handicrafts fair, cultural performances, art exhibitions, interactive workshops, tech area, youth engagement zone leh north eastern food festival-te buatsaih a ni ang. A luh man hi a thlawn vek a ni dawn a ni.

Boomarang hi festival-ah an tel dawn tih an hriat rualin, Hard Rock Cafe, New Delhi chuan an lo pawtpeng ve nghal a, February 10 zanah an perform dawn. Mizo band zingah he hmuna perform hmasa ber tur an ni ang.