Billboard 200: No 1-ah Morgan Wallen a rawn kir

Billboard 200 album chart-ah Morgan Wallen studio album pathumna, 'One Thing At a Time' chu No 1-ah a rawn kir leh a ,a zawn loin kar 18 chhung chart chung ber dinhmun a luah thei ta. Country album zingah hetiang dinhmun thleng thei hmasa ber a ni.

Nikum March 3-a release, 'One Thing At a Time' hian kar liam taah equivalent album unit 66,000 nei lehin, a hla hmasa aia unit a neih zat hi 4% in a tam zawk. He album-a hla 36-te hian on-demand official stream mtd 87.32 an nei bawk.

Kum 1956 March thla aṭang khan kartinin Billboard 200 chart hi tihchhuah ṭhin a ni a, tihchhuah a nih aṭang hian No 1-a kar 18 awm thei hi album 15 chauh an la awm. 'One Thing At a Time' hi tihchhuah a nih aṭangin chart-ah hian No 6 aia dinhmun hniamah a la awm lo.

No 2-ah chart hmasa lama No 1 hauhtu, Savage 'American Dream' a awm a, equivalent album unit 61,000 a nei. Drake 'For All The Dogs' chuan a dinhmun ngai, No 3 a la luah chhunzawm a, Noah Khan 'Stick Season' chu No 5-ah tla thlain, Taylor Swift '1989 (Taylor's Version)' chu No 5-ah a rawn chho ve leh thung.

Album chart-ah rawn lang thar an awm lo a, Top 10-ah SZA, Zach Bryan-te album bakah, Morgan Wallen album dang pakhat leh Taylor Swift album dang pahnih an lang bawk.

Billboard 200 Top 10
1. "One Thing at a Time" - Morgan Wallen (66,000 units)
2. "American Dream" - 21 Savage (61,000 units)
3. "For All The Dogs" - Drake (51,000 units)
4. "Stick Season" - Noah Kahan (47,000 units)
5. "1989 (Taylor's Version)" - Taylor Swift (45,000 units)
6. "SOS" - SZA (42,000 units)
7. "Lover" - Taylor Swift (45,000 units)
8. "Zach Bryan" - Zach Bryan (nearly 40,000 units)
9. "Midnights" - Taylor Swift (38,000 units)
10. "Dangerous: The Double Album" - Morgan Wallen (37,000 units)