Sita lemah Janhvi Kapoor a chang dawn

Ramayana film thar siam turah, goddess Sita lemah Janhvi Kapoor a chang dawn nia sawi a ni.

Nitesh Tiwari film siam tur hian ngaihven a hlawh nghal hle a, lord Ram lema chang tur hian Ranbir Kapoor chu biakfel a ni tawh. Sita lemah hian South Indian star Sai Pallavi a chang dawn nia sawi a nih hnuah, a changtu tur hi thlakin Janhvi Kapoor zawk hi thlan a ni leh ta nia sawi a ni. Nitesh hian a hmain Janhvi hi a lo thawhpui tawh a, hei vang hian Sita role chang tur hian a duh leh ta zawk nia rin a ni. Ranbir Kapoor hi lord Ram chang tur hian an inbuatsaih nasa tawh hle a, zu lam bakah sa pawh a insum a, zan rei party thlengin a insum a ni. Lord Hanuman lemah Sunny Deol a chang dawn bawk a, May thla aṭang hian shooting hi ṭan an tum.