Romeo and Juliet-ah Spider-Man actor Tom Holland

Spider-Man actor, Tom Holland chu West End-in William Shakespeare-a romantic tragedy, 'Romeo and Juliet' play siamah Romeo lemah a chang dawn.

Kum 27 mi, Tom Holland hi a puitlin hnua stage-a a inlan vawi khatna tur a ni a, a naupan laiin Billy Elliot The Musical-ah a lo inlan tawh a ni. Play hi Jamie Lloyd-a'n a direct dawn a, Duke of York's Theatre-ah May 11 - August 3 thleng show hi neih a ni ang. Juliet lema changtu tur hi puan a la ni lo. Holland hian nikum June thla khan a mental health lam enkawl ṭhat a duh avangin kum khat chhung lemchan lam a chawlhsan tur thu hi a lo puang tawh a, he thu a puan hnu hian Shakespeare play hi a chan lehna hmasa ber tur a ni ang. West End production hnuaiah hian star lar eng emaw zat chu Romeo lemah hian an lo chang tawh a, an zingah hian Sir Ian McKellen, Sean Bean, Harry Porter actor Alfred Enoch leh Bodyguard star Richard Madden-te pawh an tel.