Snoop Dogg leh Master P-ten Walmart an khing

American rapper pahnih, Snoop Dogg leh Master P-te chuan supermarket giant, Walmart leh food manufacturing company, Post Cosumer Brands chu an cereal brand ngaih pawimawh sak lohah puhin an khing.

Thubuai an thehluhah hian company pahnihte hian Snoop Cereal bawmte chu pholang ve duh loin, stock a awm tawh lo nia an sawi thu an tarlang. An lawyer Benjamin Crump chuan hei hi sumdawnna in zah loh sakna lian tak a ni, a ti. Hetih lai hian company pahnihte hian Snoop Cereal hi an hralh tlem hle tih an sawi a, Walmart chuan entrepreneur-te chu theihtawpa an thlawp thu leh, a hralh chhuah lam erawh chu a in an loh thu a sawi. Post pawhin Snoop Cereal in consumer-te beisei ang a pha lo chu pawi an tih thu an sawi. Snopp Dogg leh Master P hian food company, Broadus Foods tih chu kum 2022 khan an din a, an website-a an tarlan danin breakfast cereal, pancake mix, maple syrup leh a dangte an siam a ni.