Billboard Women Awards-ah NewJeans perform dawn

NewJeans chu 2024 Billboard Women in Music Awards-ah an perform dawn.

Billboard chuan March 6-a Los Angeles, California-a neih turah hian NewJeans hi Group of the Year award hlan an nih tur thu a lo puang tawh a, February 8 khan Korean girl group hi annual event-ah hian an perform tur thu an rawn sawi leh bawk. Anni bakah hian Karol G, Charli XCX, Ice Spice, Kylie Minogue, Victoria Monét leh mi dang eng emaw zat an perform dawn bawk a ni.

NewJeans hian din a nih aṭanga kum hnih chhung lekin khawvel huapin an hming an chher der tawh a, domestic leh international award pawh eng emaw zat la tawhin, heng zingah hian Asia Artist Award, Billboard Music Awards, Golden Disc Awards, MAMA Awards leh Seoul Music Awards-te pawh a tel. Record pawh siam foin, Guinness World Records-ah pawh an lang tawh bawk.