Disney-in Epic Games-ah USD tld 1.5 invest a tum

Entertainment giant, Disney chuan 'Fortnite' maker, Epic Games-ah USD tld 1.5 invest a tum tih sawiin, game developer nen hian 'games and entertainment universe' an siam dawn tih a sawi. He universe-ah hian consumer-te chuan Disney, Pixar, Marvel, Star Wars, Avatar leh a danga content, character leh story-te enin, an play thei dawn niin a tarlang.

The Walt Disney Company CEO, Robert A. Iger chuan Epic Games nena an thawhdunna hnuaiah hian Disney brands leh franchise-te chu Fortnite hmangin game leh entertaiment universe tharah siam chhoh a ni dawn tih a sawi a, hei hi Disney-in games industry lamah hma a lakna lian ber a nih thu a sawi bawk. Hemi hma hian Disney chuan Spider-Man character chu video games-a siamna turin licence a lo nei tawh a, hei bakah Marvel, Star Wars, The Nightmare Before Christmas leh Tron-a character-te Fortnite-a dah turin Epic hi a thawhpui bawk a ni.