Dua Lipa-i'n a album thar atan hla 100 dawn phuah

Dua Lipa chu a album thar siam tur atan a inbuatsaih nasa hle a, hla pawh 97 zet a phuah niin a sawi. A album thar hi kumin kum tawp lamah tihchhuah hman a tum.

Kum 28 mi, 'Dance The Night' singer hian kum 2021 aṭang khan a album ami tur hla hi a buaipui ṭan tih a sawi a, notebook te leiin hetah hian a ziak lut vek tih a sawi. "Hla 97 ka phuah tawh a, hetih lai hian heng zinga 80 te chu an ṭha lem lo," tiin Jimmy Kimmel Live-ah a sawi. Hemi rual hian hla hit tur leh hit lo tur chu a hriat theih nghal mai thu sawiin, 'Hla ka phuah lai mek hian a ṭha dawn nge dawn lo tih ka hre mai a, chuvangin ka bei nawn leh mai ṭhin," a ti. Album a release hnuhnun ber chu kum 2020-a 'Future Nostalgia' a tihchhuah kha a ni.