True crime movie-ah Scarlett Johansson

Marvel star hlui, Scarlett Johansson chu true crime movie, 'Featherwood' a chang dawn.

Johansson hian FBI informant, Carol Blevins lem a chang dawn a, ani hi neo-Nazi gang, Aryan Brotherhood of Texas (ABT) luh chhuah a, an member 13-te thiam loh chantir an nih theihna tura hma latu a ni. He film hi Pulitzer Prize finalist Scott Farwell chanchin behchhana siam a ni. "Fish Tank", "Red Road" leh "American Honey' aṭanga hriat lar, Adrean Arnold chuan 'Featherwood' hi a direct dawn a, script writer hi 2021 Marvel movie 'Black Widow' writer Ned Benson a ni ang. Johansson hi nikuma chhuak, 'North Star' film-ah inlanin, tunah hian tihchhuah tur hmabak, Paramount 'Transformers One' leh Channing Tatum nena an channa, romantic comedy a nei mek bawk.