Democratic nominee atan Biden puang

US Democratic National Convention neih mekah, an ram huna Thawhlehni zan khan Joe Biden chu official-in kumin November thlaa an ram president thlanna neih tura Democratic president candidate atan puan a ni ta. 

Democratic president hlui pahnih, Bill Clinton leh Jimmy Cartel bakah Republican lam, secretary of state hlui Colin Powell-te chuan Biden an thlawpna thu an sawi. Kum 77 mi, Joe Biden hi Barack Obama hnuaiah vice president pawh a lo ni tawh a ni. Zanin hian nominee a pawmna thu a sawi ang. Kum 1988 leh 2008 khan an party president candidate nih tumin alo chuh tawh a, mahse party candidate a ni pha lo ve ve a ni. 

Joe Biden hian a thawhpui turin Senator Kamala Harris a thlang tawh a, November thlaa an ram president thlanna neih turah Republican candidate, president ni lai Donald Trump nen an inbitum dawn a ni.