ABBA member-ten 'Mamma Mia!3' an duh lo

Producer Judy Craymer chuan musical franchise, 'Mamma Mia!3' siam tur chu ABBA member Bjorn Ulvaeus leh Benney Andersson ten an block niin a sawi.

Craymer chuan Mamma Mia movie pathumna chu siam a duh hle tih sawiin, studio lam pawhin siam an chak niin a sawi. Mahse Benny leh Bjorn-te chu an hmin thei rih lo a, anni hian hla ṭha an nei daih tawh lo tih an sawi. Mahse Judy chuan, 'Hla ṭha tak tak an la ngah a, heng hla hmang hian kan la siam thei dawn a ni," a ti. Movie hi an siam leh thei a nih chuan, Amanda Seyfried leh Dame Julie Walters-te chu chang turin a hmin leh theih ngei a rin thu a sawi bawk. Mamma Mia instalment pahnihte hi 2008 leh 2018 khan tihchhuah niin, an hlawhtling dun hle.