Selma Blair-i'n a X account titawp

'Cruel Intentions' star, Selma Blair chuan Israel-Hamas indona thleng mekah, Islam sawiselna lam thu a comment avanga sawisel leh beihzui a tawh nasat avangin a X account a titawp.

Selma Blair hian Instagram-a user pakhat, Abraham Hamra tihin, Hamas-ten Israel an beih chungchanga Juda-te thlavang hauhna video a post chu comment-in, firfiakte chu thawn haw vek tura a duh thu te, Islam chuan Muslim ramte tichhe vekin, an rilru thlengin a tihchhiatsak thu a sawi a, dawt sawi hmang mai an ni, titein a sawi zui a ni. A comment screenshot hi X lama dah an lo awm a,, Blair hian beihzui a tawk nasa hle. Muslim pawl hrang hrangin ngaihdam dil turtein an phut bawk. Hemi hnu hian Blair hian a X hi a titawp zui ta a ni.