Kanye West 'Jesus Mask' vuahin sawisel a hlawh

Pathiannia Allegiant Stadium, Las Vegas-a Super Bowl LVIII-ah A-lister ho an inlan leh nasa a, Kanye West pawh a rawn che dangdai lehpek a, sawizui a hlawh leh hle.

'Famous' hitmaker Ye hian a nupui, Bianca Censori nen inkhel hi enin, thawmhnaw dum vekin an inthuam a, Ye hian Alexander McQueen fall 1996 collection a mi, Jesus Mask a rawn vuah. A mask-ah hian Isua khenbeh lai lem a awm a ni. Hip-hop star hian a mask lan chianna video clip hi a Instagram-ah pawh a post zui bawk. Mahse mi tam takin an sawisel zui a, comment-tu ṭhenkhat phei chuan a chet dan chu Isua Krista zah lohna lantirna ang hialah ngaiin, Ye chu Kristian a nih leh nih lohte an zawt leh a ni.