Drake-a'n Super Bowl 2024 bet-a a hlawh a fan sem dawn

Drake chuan Super Bowl 2024 bet-na aṭangin USD mtd 2.3 chuang a hlawh a, a sum hi a fan hnenah sem a tum.

Pathiannia Allegiant Stadium, Las Vegas-a Super Bowl 2024-ah khan The Kansas City Chiefs chuan San Francisco 49ers an hneh a ni. Canadian rapper, Drake hian Chief tan a 'bet' a, inkhel erawh a hmunah hian a en ve lo. Chiefs an chak tak avangin sum tam tham tak a hlawh zui ta a ni. Drake hian a Instagram-ah, 'Ka chak a nih chuan show neih hunah tu emaw ber chu a vannei hle dawn a ni," tiin a tarlang. A sum hlawh chhuah hi kar leh Thawhṭannia Enterprise Center, Missouri-a concert a neih hnuah sem a tum. Drake hian sports bet hi a uar hle a, UFC aṭanga baseball games thlengin a 'bet' fo. Mahse a vannei khat a, sum a hloh fo avangin 'The Drake Curse' ti te pawn an lo sawi ṭhin.