J-Lo album hnuhnung ber tur 'This Is Me...Now'

Jennifer Lopez chuan February 16-a a tihchhuah tur, 'This Is Me...Now' chu a album hnuhnung ber tur a nih mai theih thu a sawi.

Kum 54 mi, 'On the Floor' hitmaker album thar tur hi a pasal, actor Ben Affleck nena an inlaichinna chungchang a ni. Album cover tur pawh chi hrang hrang an siam thu sawiin, fan-te tana special tak ni tura a duh thu a sawi. Hemi bak hi album dang a siam leh a rin tawh loh thu a sawi bawk. J-Lo studio album tihchhuah hnuhnung ber chu kum 2014-a mi 'A.K.A' kha a ni. Album dang a siam a rin tawh loh thu a sawi rualin, kum 12 hnua a vawi khatna atan global tour a neih mai theih thu a sawi thung.