'Johnny English' movie tharah 'Mr Bean' bawk

Rowan Atkinson, 'Mr Bean' tia hriat lar chu 'Johnny English' movie tharah a rawn chang leh dawn.

Kum 69 mi, Rowan hi spy spoof franchise movie pathum, 'Johnny English' (2002), 'Johnny English Reborn' (2011) leh 'Johnny English Strikes Again' (2018) ahte secret agent angin a lo chang tawh a ni. Heng film pathumte hi box office lamah pawh an hlawhtling hle a, USD mtd 500 dawn an lalut pha. Rowan bakah series-ah hian Ben Miller, Rosamund Pike, Emma Thompson, Gillian Anderson leh Daniel Kaluuya te pawh an chang. Movie tharah hian Rowan hian a role ngai bawk a chang leh ang. Nipuiah shooting hi neih ṭan tum a ni a, UK leh Malta-ah an chang ang. Mahse a plot erawh an la thup thung. A film hmasa pathum produce-tu, Working Titles Films bawkin an produce leh dawn a ni.