Billboard 200 : Toby Keith album-in pakhatna hauh

Billboard 200 album chart tharah, country singer Toby Keith chuan a thih hnuah a album, '35 Biggest Hits' hmangin pakhatna dinhmun a hauh. Toby Keith hian no. 1 ni thei album panga a nei ta a, kum 2010 hnua chart chung ber dinhmun a luah lehna hmasa ber a ni bawk.

February 5, 2024-a boral, Toby Keith-a hla ṭhaho dah khawmna, '35 Biggest Hits' hian equivalent album unit 66,000 a nei. He album-a hla 35-te hian on-demand official stream mtd. 64.04 leh, album sale 11,000 a nei bawk. He album hi kum 2008-a release a ni a, a tlangzarh karah hian album chart-ah no. 2-ah a lang nghal a ni. He album-a hla 35 zinga 15 hi Keith-a'n Hot Country Songs chart-ah no. 1 a lo nihpui tawh hlawm a ni.

Morgan Wallen studio album pathumna, 'One Thing at a Time' chu no. 2-ah a tla thla a, equivalent album unit 65,000 a la nei pha. SZA 'SOS' chu no. 6 aṭangin no. 3-ah a chho a, 21 Savage 'American Dream' chu no. 2 aṭangin no. 4-ah a tla hniam ve thung.

Taylor Swift chuan Top 10-ah hian album pathum, no. 5-ah 'Midnight', no. 8-ah '1989 (Taylor's Version) leh no. 9-ah 'Lover' te a lanpui thei. Hun eng emaw chen chart luah lum tawh, Drake 'For All the Dogs', Noah Khan 'Stick Season' leh Zach Byran self-title album-te pawh an la cham chhunzawm zel.