Katy Perry-in American Idol chhuahsan dawn

Katy Perry chuan American Idol judge atanga season sarih a awm hnuah, he show hi a chhuahsan tawh dawn tih a sawi.

Jimmy Kimmel Live!-ah Perry hian kumina Brazil-a music festival lian tak a neih tur thu sawiin, hei vang hian American Idol season kal mek chu a tana a season tawpna a nih tawh tur thu a sawi a ni. American Idol show chu nuam a tiin America thinlung nena zawmtu a ni tih a sawi rualin, ama tana a hun hman ve a ngai ve bawk tih a sawi. Katy Perry hi kum 2018-a ABC-a America Idol season 16-na neih a nih aṭang khan judge-ah a tel ṭan a, season sarih awm tawhin music icon Lionel Richie leh Luke Bryan-te nen an ṭhuho a ni.